Շուկայի վերահսկողության տեսչական մարմին
ԹԵԺ ԳԻԾ 010 23 56 00 Հայերեն Русский English
Շուկայի վերահսկողության տեսչական մարմին
 Մենյու

Նորություններ



Էջ  

18-03-2020

ՊԱՐԵՏԱՏԱՆ ՑՈՒՑՈՒՄԸ ՓԱԿ ՏԱՐԱԾՈՒԹՅՈՒՆՆԵՐՈՒՄ ԳՈՐԾՈՂ ԽՈՇՈՐ ԱՌԵՎՏՐԱՅԻՆ ՕԲՅԵԿՏՆԵՐՈՒՄ ԱՆՀՐԱԺԵՇՏ ՄԻՋՈՑԱՌՈՒՄՆԵՐԻ ՎԵՐԱԲԵՐՅԱԼ

ՀՀ պարետ Տիգրան Ավինյանի ցուցումով մինչև ապրիլի 14-ը ժամը 17:00 ներառյալ կձեռնարկվեն անհապաղ գործողություններ՝ ապահովելու փակ տարածություններում գործող խոշոր առևտրային օբյեկտներում հետևյալ միջոցառումները.

· աշխատակիցների ապահովումը բժշկական դիմակներով և ախտահանիչ նյութերով,

· տարածքի ախտահանումը և սանիտարական անհրաժեշտ պայմաններ ապահովելուն ուղղված այլ գործողությունների պարբերական իրականացումը,

· անձանց կուտակումների բացառումը և գոյացած հերթերի կազմակերպումը։

Մանրամասն

13-01-2020

Ազգային ժողովը երկրորդ ընթերցմամբ և ամբողջովին ընդունեց «Հայաստանի Հանրապետությունում ստուգումների կազմակերպման և անցկացման մասին Հայաստանի Հանրապետության օրենքում լրացումներ և փոփոխություններ կատարելու մասին» ՀՀ օրենքի նախագիծը

Նախօրեին Ազգային ժողովը երկրորդ ընթերցմամբ և ամբողջովին ընդունեց Շուկայի վերահսկողության տեսչական մարմնի առաջարկությամբ վարչապետի աշխատակազմի տեսչական մարմինների աշխատանքների համակարգման գրասենյակի հետ համատեղ մշակված «Հայաստանի Հանրապետությունում ստուգումների կազմակերպման և անցկացման մասին Հայաստանի Հանրապետության օրենքում լրացումներ և փոփոխություններ կատարելու մասին» ՀՀ օրենքի նախագիծը:

Արդյունքում Տեսչական մարմնի կողմից այս ոլորտում իրականացվող ստուգումներն արդեն իսկ կիրականացվեն տնտեսվարողներին առանց նախապես տեղեկացնելու, ինչն իր դրական ազդեցությունը կթողնի այդ ոլորտում (ավտոմոբիլային բենզին և դիզելային վառելիքի, հեղուկացված ածխաջրածնային գազեր և այլն) չափագիտական կանոների և նորմերի բացահայտման և խախտումների շտկման վրա:

Մինչ այս, գործող օրենքի համաձայն վերահսկողություն իրականացնելիս նախապես երեք աշխատանքային օր առաջ տնտեսվարող սուբյեկտը պարտադիր տեղեկացվում էր՝ այսպիսով հնարավորություն ստանալով եռօրյա ժամկետում չափման միջոցի օգտագործումը քողարկել, ստուգման ժամանակահատվածում թերությունները վերացնել և ներկայացնել թվացյալ այլ իրավիճակ:

Մանրամասն

26-12-2019

Հ Ի Շ Ե Ց ՈՒ Մ

Տեսչական պլանային ստուգումների մասին

Բոլոր 6 տեսչական մարմինները կառավարությանը ենթակա մարմինների կարգավիճակում այս տարի առաջին անգամ, օրենքով սահմանված ժամկետում (դեկտեմբերի 1-ին) հրապարակել են 2020թ․ իրականացվելիք պլանային ստուգումների տարեկան ծրագրերը: Ստուգումներն ուղղված են լինելու առավելապես ամենառիսկային ոլորտներ և տնտեսավարողներ:

Միաժամանակ հանրությանը և սպառողներին տեղեկացնում ենք, որ օրենքով նախատեսված են պլանից դուրս ստուգումների իրականացման բոլոր հիմքերը, որոնք թույլ են տալիս տեսչական մարմիններին անհրաժեշտության դեպքում շտապ արձագանքել և ստուգումներ իրականացնել։

Հղումները՝ ստորև:

Առողջապահական և աշխատանքի տեսչական մարմին
http://hlib.am/apps.html?fbclid=IwAR1DnIt-NzRyeJ7FiqgQJI5kv_NbRb1RscYQyZBkDwVSu-IP3PllFg0IFVk

Բնապահպանության և ընդերքի տեսչական մարմին
http://www.ecoinspect.am/apps.html?fbclid=IwAR2j8mQbt3csOOfkwb7_1dqaNFGJ6QmdKjAUvVjKXShk2WLzuFqT62GU9Rs

Կրթության տեսչական մարմին
http://www.eib.am/workprogram/

Շուկայի վերահսկողության տեսչական մարմին
http://msib.am/cragrer

Սննդամթերքի անվտանգության տեսչական մարմին
http://snund.am/%d5%bf%d5%b6%d5%bf%d5%a5%d5%bd%d5%be%d5%a1%d6%80%d5%b8%d5%b2%d5%b6%d5%a5%d6%80%d5%ab-%d6%81%d5%a1%d5%b6%d5%af/%d5%bd%d5%bf%d5%b8%d6%82%d5%a3%d5%b8%d6%82%d5%b4%d5%b6%d5%a5%d6%80/

Քաղաքաշինության, տեխնիկական և հրդեհային անվտանգության տեսչական մարմին
https://www.utfsib.am/am/inspections/inspections_program

Մանրամասն

01-11-2019

ԱՇԽԱՏԱՆՔԱՅԻՆ ՔՆՆԱՐԿՈՒՄ ՀՀ ՎԱՐՉԱՊԵՏԻ ԱՇԽԱՏԱԿԱԶՄԻ ՏԵՍՉԱԿԱՆ ՄԱՐՄԻՆՆԵՐԻ ԱՇԽԱՏԱՆՔՆԵՐԻ ՀԱՄԱԿԱՐԳՄԱՆ ԳՐԱՍԵՆՅԱԿՈՒՄ

ՀՀ վարչապետի աշխատակազմի տեսչական մարմինների աշխատանքների համակարգման գրասենյակի ղեկավար Արթուր Ասոյանի գլխավորությամբ նոյեմբերի մեկին կազմակերպվել էր աշխատանքային քննարկում, որին մասնակցում էին Առողջապահական և աշխատանքի, Բնապահպանության և ընդերքի, Կրթության, Շուկայի վերահսկողության, Սննդամթերքի անվտանգության և Քաղաքաշինության, տեխնիկական և հրդեհային անվտանգության տեսչական մարմինների ղեկավարները:

Քննարկմանը մասնակցում էին նաև վարչապետի աշխատակազմի գործերի կառավարչության և տեսչական մարմինների աշխատանքների համակարգման գրասենյակի ներկայացուցիչները:

Ներկաները քննարկել են տեսչական մարմինների կողմից իրականացվող ընթացիկ աշխատանքերը և առաջիկա անելիքները: Պայմանավորվածություն է ձեռք բերվել առաջիկա հանդիպման և հետագա քայլերի վերաբերյալ

Մանրամասն

10-01-2019

ՏԵՍՉԱԿԱՆ ՄԱՐՄՆԻ ՂԵԿԱՎԱՐ ԱՐՄԵՆ ԿՈՏՈԼՅԱՆՆ ԸՆԴՈՒՆԵՑ ԱԳԼՃԿ ՈԼՈՐՏԻ ՏՆՏԵՍՎԱՐՈՂՆԵՐԻՆ

Հայաստանի Հանրապետության շուկայի վերահսկողության տեսչական մարմնի ղեկավար Արմեն Կոտոլյանը հրավիրել էր ԱԳԼՃԿ ոլորտի տնտեսվարողներին՝ քննարկելու ոլորտում առկա խնդիրները և դրանց լուծման տարբերակները:

Նախ, պարոն Կոտոլյանը բոլոր հրավիրվածներին շնորհավորեց Ամանորի և Սուրբ Ծննդյան տոների կապակցությամբ, ապա անդրադառնալով հանդիպման թեմային՝ ներկայացրեց խնդիրները և հորդորեց քննարկման ընթացքում լինել ակտիվ և անկաշկանդ:

Իր խոսքում Տեսչական մարմնի ղեկավարն անդրադարձավ ԱԳԼՃԿ-ներում վաճառվող գազի ծավալի հետ կապված խնդրահարույց հարցին` փորձելով իմանալ ինչ հետևանքներ կարող է ունենալ տնտեսվարողների համար գազի վաճառքը մ3-ի փոխարեն կգ-ով իրականացնելը, ինչպես անել վնասներից խուսափելու համար:

Տնտեսվարողների մի մասը նշեց, որ բոլոր պետական վճարումները կատարում են մ3–ով, մինչև անգամ ՀԴՄ կտրոնների վրա նշվում է մ3: Նրանց համոզմամբ կգ-ով վաճառք իրականացնելու համար հարկավոր է, որպեսզի իրենց վաճառվող գազը նույնպես հաշվվի կիլոգրամով, այլ ոչ թե խորանարդ մետրով:

Մյուս մասը Տեսչական մարմնի ղեկավարի ուշադրությունը հրավիրեց նաև մեկ այլ, ոչ պակաս խնդրահարույց հարցին՝ վաճառվող գազի ճնշման չափին և գազաբալոնների մաշվածությանը:

Անդրադառնալով տնտեսվարողների բարձրացրած հարցերին՝ պարոն Կոտոլյանը նշեց, որ կիլոգրամով վաճառք իրականացնելու դեպքում կվերանա անհավասար մրցակցությունը և այս փոփոխությանն անցնելու համար Տեսչական մարմինը անպայման կանցկացնի իրազեկման հանդիպումներ թե տնտեսվարողների, թե սպառողների և թե շահագրգիռ մարմինների հետ:

Արմեն Կոտոլյանը նշեց նաև, որ առաջիկայում նախատեսվում է հանդիպում «Գազպրոմ Արմենիա» ՓԲԸ-ի, Ֆինանսների նախարարության և ՊԵԿ-ի ներկայացուցիչների հետ՝ քննարկելու այս հարցի լուծման եղանակները և միջոցները: Նա առաջարկեց տնտեսվարողներին՝ ներկայացնել երկու անձի թեկնածություն՝ այդ հանդիպմանը մասնակցելու համար:

Հանդիպման ավարտին Տեսչական մարմնի ղեկավարը շնորհակալություն հայտնեց հրավերն ընդունելու և կառուցողական, բուռն քննարկում ծավալելու համար՝ հիշեցնելով, որ փոխհարաբերությունները պետք է լինեն գործընկերային:

Մանրամասն

Էջ  



ՀՀ, ք. Երևան 0051, Կոմիտաս 49/2

+374 11 59 75 20

info@msib.gov.am

© 2020 բոլոր իրավունքները պաշտպանված են   logo